Nakemmeg ti maysa a lalaki nga agtawen ti limapulo ket maysa, minero a residente ti Itogon, Benguet, ken maibilang kas High Value Individual (HVI) babaen iti drug-buy bust operation iti Purok 12, Irisan Barangay, Baguio City idi kalman ti rabii.
Nakumpiskar manipod iti suspek ti dua a pidaso ti heat sealed transparent plastic sachet nga addaan iti pakabuklan a timbang a 53.3 grams nga addaan iti Standard Drug Price a P369, 240.00.
Malaksid iti dayta, nakumpiskar pay manipud iti suspek dagiti non-drug items kas iti selpon, kuarta, ken pitaka.
Balligi ti nasao nga operasyon babaen ti panagtinnulong dagiti kameng ti RPDEU PRO-CAR, RID-PROCAR, BCPO-PS9, CDEU, PDEG SOUCAR ken RIU 14.
Ti suspek ket sumangsango ita iti panaglabsing iti RA 9165. | via Bombo Noveh Organo
