BAGUIO CITY-Nangako si Pangulong Ferdinand Marcos Jr. ng patuloy na modernisasyon ng Armed Forces of the Philippines at pagtataguyod sa kapakanan ng mga miyembro ng Armed Forces of the Philippines kasabay ng panawagan niya kahapon sa Tatlong daan at samupung mga kadete na nagtapos sa Philippine Military Academy (PMA) “Madasigon” Class of 2023 na itaguyod ang mga demokratikong mithiin at ang panuntunan ng batas.
Bukod pa rito, pinaalalahanan ni Marcos ang mga nagsipagtapos na ang pagpapahayag ng pasasalamat sa bansa ay higit pa sa mga salita kung saan mas mahalaga ang pagiging matapat at responsableng pagganap ng kanilang mga tungkulin.
Inulit pa ng Presidente ang kanyang walang humpay na paghahangad para sa AFP Modernization Program sa pamamagitan ng mahahalagang military asset acquisitions at upgrades habang idiniin niya na ang gobyerno ay nagsasagawa rin ng komprehensibong pag-aaral upang mapabuti ang panlipunang proteksyon para sa militar at unipormadong tauhan.
“Just last week, I signed into law the amendment to Republic Act No. 11709, which aims to further strengthen the professionalization and merit system of our Armed Forces,”
“Because of this, you now join a modern and professional organization, which is now more effective and even more formidable vehicle for public service and nation-building, and a continuing source of pride and self-fulfillment for the individual personnel,”
Sa kabilang dako,nagpasalamat naman si 2nd Lt. Warren Leonor, ang nagtapos na valedictorian sa MADASIGON CLASS OF 2023 sa kanyang mga magulang na siyang inspirasyon nya sa pag-aaral sa akademya.
“Kagaya po ng palagi kong sinasabi, there are two reasons why I entered the Academy. First reason is gusto ko po matulungan ‘yung family ko, especially my parents po kasi sabay-sabay po kami ng sisters ko na pumasok ng college and I want to lessen the loads of my parents,”.
“And the second one is because of my childhood dream… it’s really my childhood dream to be a pilot, that’s why I entered the Academy,”
Samantala, sa mga nagtapos ngayong taon, Isang daan limaput walo ang sasali sa Philippine Army; pitumpu’t anim ang sasali sa Philippine Air Force; at pitumpu’t pito ang sasali sa Philippine Navy.
