Nakemmeg iti panagtinnulong a puersa iti San Miguel Municipal Police Station ken Police Station 8, Baguio City Police Office ti maysa a Most Wanted Person iti Provincial Level idi Enero 26, 2026 idiay Barangay Sta. Rita, San Miguel, Bulacan.
Sigun kenni PLtCol Voltaire C. Rivera, Hepe iti San Miguel MPS, ti suspek ket maysa a lalaki nga agtawen iti 30, residente iti Barangay MRR Queen of Peace, Baguio City, ken karaman iti listaan iti Most Wanted Persons iti siudad ti Baguio.
Pasado alas-2 iti malem, inserbi dagiti operatiba iti San Miguel MPS, kadua ti PS8 Baguio City Police Station, ti Warrant of Arrest kontra iti suspek gapu iti panaglabsing iti Republic Act 10883 wenno iti Carnapping, nga addaan iti nairekomendar a piansa a P300, 000.
Maibasar iti report, naawat ti warrant babaen iti Enhanced E-Warrant System, a nangitunda iti napartaka ken nasayaat a panangisayangkat iti panagtiliw.
Agtuloy met ti kampania iti Bulacan Police Provincial Office, iti panangidaulo ni PCol Angel L. Garcillano, Provincial Director, kontra kadagiti most wanted persons kas paset iti panagregget a mapagtalinaed ti kappia ken nasayaat a lungsod.
