BAGUIO CITY- Agtaltalinaed a naulimek wenno generally peaceful ti munisipyo ti La Trnidad Benguet iti baet ti panagngato ti krimen a nailista iti umuna nga kwarter ti agdama a tawen.
Dinakatamat daytoy ni La Trinidad Municipal Police Station Chief, PLt. Col. Rodelio Olsim iti naangay nga Trinidad Municipal Peace and Order Council ken Municipal Anti-Drug Abuse Council itay nabiit.
Iti datus ti LTMPS, nairekord ti 160 a bilang ti krimen manipod Enero agingga Marso ti agdama a tawen a nangato nu idilig iti 40 a nailista idi 2021.
Manipod iti pakabuklan a bilang, 141 ti nailista kas non-index crimes a pakairamanan ti 100 nga vehicular traffic accidents, bayat nga 19 dagiti index crimes.
Inlawlawag ni Olsim a resulta ti napalukayan nga restrictions ti COVID-19 protocols ken ti panaglukat ti ekonomiya ti La Trinidad, karaman pay ti probinsia ti Benguet ken ti kabangibang daytoy a Baguio City ti pannakailista ti nangato a krimen sipod Ener ti agdama a tawen.
Gapu iti daytoy, guyguyuguyenna ti publiko nga agbalin a naridam ken tumulong iti kapulisan a mangipatalged ti linak ken kappia iti komunidad.
