BAGUIO CITY – Binayadanen ti biktima ti danyos iti nadadael a tawa ti taxi a dinanog ti suspek iti paset ti Leonardwood road idiay Engineers Hill, Baguio City.
Maipalagip nga idi Hunyo 16 ket napasamak ti panagdinnanog ti dua a grupo iti nadakamat a lugar nu sadino nairaman a nadadael ti tawa ti maysa a taxi.
Maibasar iti imbestigasyon dagiti maseknan nga otoridad, sakbay ti nasao nga insidente, nagturong pay ti biktima a ni Christopher Arcabal iti maysa a restobar.
Nu sadino bayat ti panaginumda, naaddaan ti saan a panagkinnawatan ti biktima ken ti suspek a ni Sunjae Valejo a nangitunda iti panagdinnanogda.
Kalpasan dayta, naglugan ti biktima ken ti kaduana iti taxi ngem kinamat dagitoy ti suspek.
Dinanog ti suspek ken ti kaduana ti biktima nga adda iti uneg ti taxi ken binettak pay ti suspek ti tawa ti taxi sakbay a pimmanaw daytoy.
