BAGUIO CITY – Nakasaganan ti Department of Social Welfare and Development ken dagiti daduma pay nga ahensya iti maangay a Bagong Pilipinas Serbisyo Fair Caravan sadiay Benguet State University, La Tinidad a mangrugi inton bigat, April 21 agingga inton Lunes, April 22.
Iti panakiuman ti Bombo Radyo kenni Maria Aplaten, ti baro a Regional Director ti Department of Social Welfare and Development – Cordillera, maysa ti opisina daytoy kadagiti line agencies a mangipaay ti nagduduma a tulong para kadagiti benepisyaryo a nakalanad iti opisyal a listaan dagiti lokal a gobyerno ti tunggal munisipalidad ti Benguet babaen iti Assistance to Individuals in Crisis Situations (AICS).
Sigun kenni Aplaten, adda ti nailatang a Php50-K cash iti nasao a programa a maipaay kadagiti benepisyaryo.
Malaksid iti dayta, adda pay ti maipaay a sangapulo a ribo a food packs, Php2-K nga scholarship kadagiti agtutubo, ken Php5-K a pagrugrugyan dagiti mangaramid ti negosyo wenno livelihood.//Bombo Rob Dominguez
