--Ads--
BAGUIO CITY- Manamnama a maangay ita nga aldaw ti public consultation mainaig paylaeng iti nagduduma a programa para kadagiti out of school youth iti siudad ti Baguio.
Iti pannakiuman ti Bombo Radyo kenni Vladimir Cayabas, councilor iti Baguio City, panggep ti nasao a programa a matulungan dagiti agtutubo wenno out of school youth babaen ti panagtraining, ken livelihood program.
Malaksid iti dayta, mangipaay metlaeng daytoy iti gundaway wenno oportunidad kas iti trabaho ken dadduma pay.
Nupay kasta, kinuna ni Cayabas a kasapulan a mapapigsa ti alternative learning system (ALS) tapno agsubli dagitoy iti pagadalan.
Gapu iti daytoy, kasapulan ti naan-anay a pannakaadal ken partnership kadagiti businesses iti siudad.
