Mangisagsagana ti aktibidad dagiti nagduduma a line agencies para iti panakarambak ti Baguio Day a mangrugi inton Setyembre uno.
Iti panakiuman ti Bombo Radyo kenni Engineer Bonifacio Dela Peña, City Administrator, manamnama ti panakipaset ti tunggal maysa saan laeng a dagiti nagduduma nga ahensya iti gobyeno nu di ket karamanen ti pribado nga organisasyon.
Sigun kenni Engr. Dela Peña, simple ti maangay a programa inton Dominggo nu sadino maipatungpal ti parada laketdi saan nga agtudo.
Pasetan daytoy ti nangangato nga opisyal iti Baguio City pakairamanan ti kongresman, mayor, ken ti bise mayor.
Manamnama met ti presensya ni United States Ambassador to the Philippines a ni MaryKay Carlson nga agserbi kas Guest of Honor Speaker iti nasao a pasken.
Kagiddan dayta, kidkiddawen ni Engr. Dela Peña ti panagsuporta dagiti umili wenno residente iti makabulan a panakarambak daytoy.//Bombo Rob Dominguez
