Imbilin ni Philippine National Police (PNP) Chief Major General Rommel Marbil ti naing-inget a police patrol operations iti intero a pagilian pakairamanan dagiti regional, provincial, city,ken municipal police stations.
Datoy ket paset ti panagregget dagitoy tapno ad-adda a mapasayaat ti police visibility ken masigurado ti napartak a panagrespondeda.
Sigun kenni Marbil, saan laeng a ti panangliklik kadagiti krimen ti panggep ti nasao a pammilin nu di ket ti panangparegta iti talek dagiti umili iti nasao a sangay ti gobyerno.
Impeksa met ni Secretary Benjamin Abalos Jr. ti panangsuportana iti nasao nga addang nu sadino, dinakamatna a ti kinatalged ken ti pagsayaatan dagiti Pilipno ti ipangpangruna dagitoy.
Kabayatanna, inyunay-unay met ni Marbil ti kinapateg dagiti “proactive policing strategies” a dakkel a katulungan tapno mpagtalinaed ti kinatalged ti aglawlaw ken dagiti umili.
