BAGUIO CITY – Naituding a maipaima iti lokal a konseho ti Baguio City ti napagnumuan a baro nga entrance fees para iti Bontanical Garden iti kaleppas a public hearing.
![](https://img.bomboradyo.com/baguio/2022/03/274906939_283233040552523_4637681832334054413_n.jpg)
Iti interview ti Bombo Radyo Baguio ken City Administrator Engr. Bonifacio Dela Pena, kinunana a naipangato entrance fee iti nasao a parke
Manipod iti P10 a general admission, dumanonen ita iti P50 ti entrance fee para kadagiti turista; P30 para kadagiti residente ken P10 kadagiti ubbing
Nupay kasta, kinunana a magna pay daytoy iti panagtingiting ti lokal a konseho sakbay a maipatungpal.
Dinakamatna nga adda iti diskwento para kadagiti natataengan a 20% ngem nasken a mangiparada iti senior citizen IDs dagitoy
Inlawlawagna a saan a puntirya ti pannakaipangato ti entrance fee nga agnumar ti syudad wenno pag interesan ti lokal a gobierno agsipod ta para daytoy iti maintance, operasyon ken kanayunan a development ti parke
Inyunay unayna a dagiti makolektar a fees ket maaramat para laeng iti nasao a parke tapnu ad-adda pay a mapapintas ken makaguyuguy iti turista