--Ads--
BAGUIO CITY – Ipalpalagip ti City Treasury Office ti Baguio ti nasapa a panagbayad dagiti umili iti real property tax ken special education fund tax dagitoy para iti sumaruno a tawen no kayatda nga agnumar iti 20% a diskwento.
Sigun kenni City Treasurer Alex Cabarubbias, mangrugi iti umuna nga aldaw ti Enero iti sumaruno a tawen ti panagbayad iti basic tax iti real property ken iti Special Education Fund.
Dinakamatna a mabalin met a bayadan ti tax payer ti buis daytoy iti uppat nga agpapada nga installments nga awanan ti interes wenno multa.
Inyunay-unayna pay a mamulta ken agbayad iti interes dagiti umili a mapaay a mangbayad iti basic real property tax ken iti buis iti Special Education Fund kadagiti aldaw a nasken a pagbayadan dagitoy.
