--Ads--
BAGUIO CITY – Imbalakad ti Department of Trade and Industry (DTI) – Cordillera ti nasapa a panaggatang kadagiti noche buena items tapno makainot ti gastos.
Iti interview ti Bombo Radyo, kinuna ni Juliet Lucas a nasaysayaat nu ita paylaeng ket agplano nu anya dagiti maisagana iti paskua ken baro a tawen.
Impetteng na a babaen iti daytoy ket magatang a nasapsapa dagiti noche buena items partikular dagiti saan a nalaka nga agpaso wenno ag-expire.
Impanamnama ni Lucas a nu dandani madanon ti paskua ken baro a tawen ket ngumato ti demand wenno pagkasapulan rason a ngumato met ti presyo dagitoy.
