BAGUIO CITY – Namingsan manen nga ipalpalagip ti Commission on Elections (COMELEC) Cordillera iti panangisubmitir dagiti kandidato a nangabak ken naabak iti Statement of Contributions and Expenditures (SOCE) dagitoy sakbay ti Hunyo 8.
Iti interview ti Bombo Radyo Baguio ken COMELEC Cordillera Deputy Speaker Atty. John Paul Martin, mabalinen a mangipila dagiti kandidato iti SOCE dagitoy uray maysa nga aldaw kalpasan ti panagbobotos
Malaksid iti dayta, inyapelana iti pangideklara dagiti kandidato iti pudno a gastosda nga isubmitirda agsipod ta makasuan dagiti mangisubmitir iti palso a SOCE partikular iti perjury ken panaglabsing iti filing ti SOCE form.
Impettengna ti kinapateg ti panangisubmitirda iti SOCE gapu ta posible a madiskwalipikar bayat a dagiti naabak a kandidato a mapaay a mangisubmitir iti daytoy ket posible a saan a makaipila iti Certificate of Candidacy (COC) dagitoy kadagiti sumarsaruno nga eleksyon
Malaksid iti dayta, saan a makatugaw iti pwesto dagiti kandidato a nangabak a saan a mangisubmitir iti SOCE dagitoy
