--Ads--
![](https://img.bomboradyo.com/baguio/2021/07/MAGALONG-BAKUNA.jpg)
BAGUIO CITY- Nasurok iti 100,000 a dose ti bakuna kontra COVID-19 ti indonar ti Baguio City kadagiti lugar nga agakasapulan iti bakuna.
Sigun kenni Mayor Benjamin Magalong , agsobsobra ti suplay ti bakuna iti siudad rason nga indonarda dagiti dadduma a nagatang kas iti AstraZeneca vaccine.
Imbinglayna a karaman kadagiti naipaayan ti bakuna ti Cagayan, Nueva Viscaya, sumagmmano a lugar sadiay Region 3 ken dadduma pay.
Kinunana nga idiadiaya metlaeng kadagiti dadduma pay nga probinsia iti rehiyon dagiti bakuna.
Dinakamatna a nakikoordinarda metten iti Department of Health para iti pannakabigbig dagiti agkasapulan iti bakuna tapnu isu ti ipaayanda kadagiti dadduma a bakuna.