BAGUIO CITY – Nagnumar ti nasurok 1,100 nga OFWs ditoy Cordillera iti “Abot – Kamay ang Pagtulong” (AKAP) program ti gobierno.
Sigun ken ni OWWA – Cordillera Overseas Worker Welfare Officer II Margie Ungson, nakaawat ti 1,131 OFWs ditoy Cordillera iti sag P10, 000 a tulong pinansial iti sidong ti programa.
Kinunana a nakaawat ti OWWA-Cordillea iti 2,564 nga aplikasion para iti AKAP program.
Kinunana pay a manarimaan ti proseso ti 655 kadagiti nasao nga aplikasion bayat a makomkompleto dagiti dokumento ti 319 nga aplikasion.
Kinuna ni Ungson nga adda ti 75 nga aplikasion a nadiskualipikar gapu ta nakaawaten ti pamilia dagiti aplikante iti tulong manipud iti dadduma a programa ti ahensia.
Nadiskualipikar ti sabali pay a 38 nga aplikasion gapu ta nakaawaten dagiti aplikante iti tulong pinansial manipud iti sabali a programa ti OWWA.
Mainiag iti daytoy ket kidkiddawen ni OWWA – Cordillera Regional Director Manuela Peña ti panaganus nga aguray dagiti aplikante.
