--Ads--
BAGUIO CITY – Dumanon iti 3,827 nga Overseas Filipino Workers ti nakabalod iti lima pulo ket dua a pagilian.
Sigun kenni Senador Raffy Tulfo, ituloy na ti kampanya na tapno masalwadan dagiti OFW.
Kas chairman ti Committee on Migrant Workers, priyoridad ni Tulfo nga agaramid ti linteg a mangtulong kadagiti embahada a mang-monitor kadagiti OFWs tapno maliklikan ti panaka-abuso dagitoy.
Impetteng ti senador nga ado nga OFW ti agkasapulan ti tulong gapu iti agtultuloy a panangmaltrato kadakuada dagiti ganganaet nga employer.
Impeksa pay ni Tulfo a kabayatan ti panag-ur-uray dagiti OFW iti repatriation ket mangmangan ken matmaturog dagitoy a kasla ayop gapu iti kinakurang ti pundo dagiti embahada.
