BAGUIO CITY -Dumanon iti 50,000 wenno nasursurok pay ti pakabuklan a bilang ti turista ti napasangabay ti Baguio City kabayatan ti Semana Santa.
Iti interview ti Bombo Radyo Baguio kenni City Administrator Engr. Bonifacio dela Pena, kinunana nga naatalinaay met ti panakarambak ti siudad iti holy week iti baet ti adu a bilang ti turista a nagturong iti siudad.
Inaklonna met ti parikot a mamantinir ti obserbasyon ti social distancing nangruna kadagiti adu ken nagsasaruno nga gatherings iti siudad ngem impeksana met ti kinasagana dagiti otoridad.
Nakatulong pay ti pannikitinulong dagiti nagduduma nga ahensia ti gobierno , organisasyon ken volunteers iti panakaitalged ti seguridad kabayatan ti holy week.
Kagiddan iti dayta, agtultuloy met ti panakaipatungpal ti testing iti siudad a dumandanon iti 200 agingga 300 tunggal aldaw iti baet ti nababa a kaso ti COVID-19.
Nakastandby metlaeng dagiti isolation ken traige areas ti siudad iti kanito a ngumato manen ti kaso ti siudad bayat nga agtaltalianed a nakalukat pay ti central triage. cd
