Dumanon iti nasurok lima pulo a ribo a Palestinian ti napapatay sipud nangrugi ti gubat idiay Gaza iti nagbaetan ti Israel ken Hamas.
Sigun iti health minsitry itay kanikadua, kanayunan nga uppat a pulo ket maysa ti napapatay iti napalabas a duapulo ket uppat nga oras, nu sadinno dumanonen iti lima pulo ken duapulo ket maysa ti napapatay.
Inlawlawag dagiti otoridad idiay Gaza a saanda a pagdumaen dagiti sibilian ken Hamas fighters nu ireportda dagiti bilang dagiti pimmusay, ngem sigun iti health ministry ken ti United Nations a kaaduan kadagiti pimmusay ket ket babbai ken ubbing.
Idi laeng kalman, impablaak ti health ministry ti listaan dagiti nagan dagiti 15,613 nga ubbing nga awan pay 18 ti tawenda a napapatay iti operasion dagiti militar ti Israel idiay Gaza.
Karaman kadagitoy ket ti 890 nga ubbing ti awan pay 1 ti tawenda, ken 274 ti naipasngay ken natay bayat ti gubat.
Dandani 26% a napapatay ti awan pay 5 ti tawenda.
Maipalagip nga inyuswat ti Israel ti gubat kontra iti Hamas idiay Gaza idi Oktubre 7, 2023.
