Impakaammo ni Baguio City Acting Mayor Benny Bomogao a temporaryo paylaeng a nasuspindir ti number coding scheme iti siudad ti Baguio kagiddan ti All Saints Day ita nga aldaw.
Iti pannakiuman ti Bombo Radyo kenkuana, kinunana a napagnunumuan dagitoy ti pannakasuspindir agsipud ta patienda met a kaaduan laeng kadagiti rumuar tatta ket dagiti residente.
Naragsak met nga impakaammona a fully prepared dagitoy ita nga aldaw kagiddan paylaeng ti All Saints Day.
Sigun kenkuana nangrugi dagitoy idi kalman a nagmonitor rason a namnamaenna met ti linak ken kappia iti intero a siudad agingga inton bigat ken kadagiti sumarsaruno pay nga aldaw.
Nangipaskil metlaeng dagitoy kadagiti pagalagadan kadagiti amin a sementeryo tapno mapakaammuan ti publiko iti kanito nga agbisita dagitoy kadagiti sementeryo.
Kabayatanna, nagpalagip manen daytoy iti publiko a suruten ti drop and go a pagalagadan kadagiti sementeyo tapno maliklikan ti nailet a gunay ti trapiko.
Innayonna metlaeng a liklikan ti panangitugot kadagiti natatadem nga igam, arak ken dadduma pay agsipud ta panawen ita iti panagngilen.
