Impaganetget ni President Ferdinand “Bongbong” Marcos Jr. ita nga aldaw a “bloodless” ken “humane” wenno natauan ti operasion dagiti kameng ti pulisia iti sidong ti administrasion daytoy iti Pilipinas.
Sigun kenni President Marcos Jr., ligal ken nainkalintegan ti tignay kontra iti iligal a droga,smuggling, illegal gambling, private armed groups, human trafficking, ken kriminalidad bayat ti administrasionna.
Daytoy ket kinunana bayat ti maika-123 nga anibersario ti polis idiay Camp Crame, Quezon City.
Mamati ni President Marcos Jr. nga inaramid dagiti kameng ti pulisia ti agresibo nga addang a rason ti panagpatalinaed ti urnos ken kappia ti Pilipinas, babaen ti panangidaulo ni Police General Rommel Marbil,
Naobserbar ti presidente nga immadu ti naideploy a kameng ti pulisia ken nainget ti patrol operations dagitoy.
Ginuyugoy met ti presidente dagiti amin a police personnel a suportaranda ti liderato ti PNP.
