Dumanon iti sangapulo ket lima ti naipatungpal nga operational accomplishment ti PNPDEG SOU CAR iti rehiyon Cordillera iti umuna a quarter iti agdama a tawen.
Iti pannakiuman ti Bombo Radyo ka da Police Lieutenant Monette Gamduta, Chief ti Police Community Relations Section ken Pat. Ysrael Rard-Jay I Butale,Police Community Relations, Non-Commissioned Officer, kinunada a dumanon iti sangapulo ket lima ti operational accomplishment no sadino 1 ti search warrant, 8 a buy bust operation, 5 a marijuana eradication ken 1 a service of warrant of arrest.
Sigun kenni Gamduta, pakabuklan metten iti agarup P42 million ti gatadna dagiti illegal a droga a nakumpiskar dagitoy no sadino kaadduan a naipatungpalan ti marijuana eradication ket sadiay Kalinga bayat a kaadduan a nakumpiskar dagitoy ket shabu.
Malaksid iti dayta, dumanon iti sangapulo ket maysa ti nakemmeg no sadino maysa ti nabigbig a high value indibidual ken uppat ti street level indibidual.
Kinunada nga innem kadagitoy ti taga-Cordillera bayat a lima ti naggapu iti sabali a rehiyon.
Inlawlawagda a ti nabigbig a high value indibidual ket magna iti proseso babaen iti koordinasyon dagitoy iti Philippine Drug Enforcement Agency ken dadduma pay.
Gapu iti dayta, kinunada a makapaalarma ti datos dagitoy rason a nagballaag ken nagpalagip dagitoy iti publiko nangruna dagiti agtutubo nga agpokusda iti panagadal, liklikan ti panagbisyo, pilien dagiti agbalin a barkada ken dadduma pay.