PHILIPPINES – Nakemmeg ti tallo a suspek ken naispal ti siyam a biktima ti organ trafficking idiay San Jose Del Monte, Bulacan.
Daytoy ket kalpasan a naduktalan ti iligal a pangilaklakoan ti bato ken iligal a kidney transplant.
Manipud kadagiti siyam a biktima, uppat kadagitoy ti naipasidongen iti operasyon.
Maysa pay kadagiti biktima ket nabayadan ti P2,000 laeng nupay man inkari ti grupo a mabayadan daytoy ti P200-K.
Sigun iti National Bureau of Investigation – NCR, agrecrecruit ti grupo babaen iti facebook group ken maipatpatungpal ti extract ken panangiyalis ti kidney iti maysa a barrio.
Dagiti nakemmeg a suspek ket inlako-da metlaeng ti kidney da gapu iti nakaro a panagkasapulan.
Mainaig iti dayta, dumanonen iti dua pulo a kidney transplant ti nafacilitate dagitoy iti uneg ti maysa a tawen.
Sigun pay kadagiti otoridad, maysa a modus ti grupo ket ti panangipammarang kas ‘kasambahay’ dagiti kidney recipient dagiti agbalin a kidney donor dagitoy tapno makastrekda iti uneg ti ospital ken ipatungpal ti kidney transplant.
Narekober metlaeng dagiti maibayad kuma kadagiti agpatpataming a biktima iti kidney transplant.
Kabayatanna, karaman iti nasao nga organ trafficking ti maysa a nars manipud iti National Kidney and Transplant Institute (NKTI).
