BAGUIO CITY – Impila ni Baguio City Congressman Mark Go ti house bill 3000 a mangkidkiddaw iti panakaipangato ti binulan a pension ti Social Security System (SSS) iti P2,000.
Sigun iti kongresista, makatulong daytoy kadagiti pensioners gaputa napartak ti panagngato ti presyo dagiti kangrunaan a gagatangen ken serbisyo.
Iti kanito a mapagbalin a linteg ti nasao a gakat ket maiyemplementar daytoy iti uppat a tranch iti uppat a tawen.
Nailanad iti House Bill 3000, ngumato iti P500 ti SSS pension iti umuna a tawen, P1,000 iti maika-dua a tawen, P1,500 iti maikatlo a tawen ken P2,000 iti maikappat a tawen.
Maibasar iti datus idi July 2021, adda ti 2.9 million a pensioners ti SSS nu sadino kaadoan kadagitoy ket retired pensioners bayat a dagiti daduma ket disabled ken death pensioners.
