--Ads--
Inyunay-unay ni Baguio City Mayor Benjamin Magalong a para laeng kadagiti bisita ken Turista iti siudad ti Baguio ti naisingasing a P250 congestion Fee, no sadino saan a karaman dagiti residente.
Sigun kenni Mayor Magalong, posible a mapababa ti gatad a makolekta iti nasao a congestion fee, apaman nga agleppas ti konsultasion iti publiko.
Inlawlawag ti nasao nga opisial a maysa daytoy a solusion, tapno mapabassit ken malimitar dagiti lugan a sumrek iti Central Business District.
Maibasar iti panagadal nga insayangkat ti Metro Pacific Tollways Corporation, kasapulan a P250 ti gatad a makolekta iti nasao a congestion fee, agsipudta posible a saan nga ikankano dagiti motorista no nababa laeng ti panagsinger dagitoy.
