BAGUIO CITY – Pinarut ken inuram dagiti nagtitipon a pwersa ti Philippine National Police ken Philippine Drug Enforcement Agency iti rehion Cordillera ti pakabuklan a P5.75-M a gatad dagiti marijuana iti nagsina nga operasyon iti Kalinga ken Mountain Province.
Immuna a dinadael dagiti operatiba ti P3.2-M a gatad dagiti fully grown marijuana plants a nadiskobre iti tallo a pagmulaan sadiay Loccong, Tinglayan, Kalinga idi Martes, August 4.
Simmaruno a dinadael dagiti operatiba ti P2.55-M a gatad dagiti fully grown marijuana plants a nadiskobre iti maysa a pagmulaan sadiay Litafang, Saclit, Sadanga, Mountain Province.
Dumanon iti 17,750 ti pidaso dagiti naparut a marijuana iti nasao a pagmulaan, no sadino, nainayon dagitoy kadagiti mula kas iti mais.
Nupay kasta, agpada nga awan ti nakemmeg nga indibidual kadagiti nasao nga operasyon.
