--Ads--
Nailatang ti P700 million a pundo ti La Trinidad, Benguet inton sumaruno a tawen.
Iti panakiuman ti Bombo Radyo kenni Atty. Guiller Galwan, Vice Mayor ti La Trinidad, Benguet, kinunana a ngimmato ti nasao a pundo no sadino manipud iti P600 million a pundo ita a tawen ket manayonan daytoy inton umay a tawen.
Sigun kenkuana, adda metten ti budget call ken maiyakar daytoy iti sangguniang bayan sakbay a maaprobaran.
Kinunana a ti Municipal Social Welfare and Development Office (MSWDO) ti addaan iti kadekkelan saranuen ti health.
Kabayatanna, kidkiddawenna kadagiti umili sadiay ti kooperasyonda nangruna no adda ti imbitasyon dagitoy para iti public consultation tapno mangipaay met dagitoy iti rekomendasyon.
