BAGUIO CITY – Pinarot ken inuram dagiti otoridad ti P712,000 a gatad ti fully grown marijuana plants iti dua nga aldaw a marijuana eradication a naipatungpal sadiay Bakun, Benguet idi napalabas a lawas.
Maibasar iti report, nadiskobre dagiti otoridad dagiti marijuana plants iti lima a plantation sites nga addaan kalawa a 1, 320 square meters sadiay Barangay Kayapa, Bakun, Benguet.
Mainaig iti dayta, nadiskobre iti 2,360 fully grown marijuana plants nga aggatad iti P472,000 iti tallo a plantation sites sadiay Sitios Lepsik, Mabilig ken Mantugali, sadiay Barangay Kayapa, Bakun, Benguet iti umuna nga aldaw iti operasyon.
Nadiskobre pay ti kanayunan a 1, 200 a fully grown marijuana plants iti dua a plantation sites ken dagitoy ket aggatad iti Php240,000 sadiay Sitio Pacda ti Barangay Kayapa, Bakun Benguet iti maikadwa nga operation idi kalman.
Nupay kasta, awan ti nakemmeg a marijuana cultivator kabayatan ti operasyon.
