Patien ni Philippine Coast Guard (PCG) for the West Philippine Commodore Jay Tarriela a posible a suportaran ti pagilian a China ti asinuman kadagiti kandidato inton 2028 General Elections a saan a mangsupsuporta iti karbengan ti Pilipinas sadiay West Philippine Sea.
Nagbalaag daytoy a posible a mangipakita ti suporta ti Chinese Government kadagiti kandidato iti national polls a saan a mangkukwestion iti presensiya ti China iti West Philippine Sea.
Patien pay daytoy a posible a palawaen ti China ti “Information Operations’ para inton sumaruno nga eleksyion tapno mangmanipula ti public opinion.
Gapu iti daytoy, dinakamatna a kasapulan a malapdan ti posible a disinformation nga aramiden ti Chinese Government.
Kabayatanna, iti agdama, kinuna ni Tarriela nga awan pay laeng ti naawat daytoy a direktiba manipud Malacanang a limitaran daytoy ti media engagements na kagidan iti nabara a panangsisinupyat iti nagbaetan daytoy ken iti Chinese Embassy idiay Manila. // BomboKCS
