Aklonen ni Luvimin Aquino Sr. weno pagaamo a “Mang Gusting” a narigat ti agbalin nga artista iti radyo.
Iti interview ni Bombo Benjo Guzman iti programa a Good Morning Philippines iti veteran radio drama artist, kinunana a daytoy ket gaputa awan ti pormal a pagadalan para kadagiti mangayat a sumrek iti industriya ti radyo.
Ngem nupay kasta, inlawlawagna nga agbalin a nalaka laketdi nadisiplina daytoy, nalaing nga agobserbar kadagiti dadduma a “radio artists”, ken kasta met a nakadepende iti mangisuro kadakuada.
Patien ni Luvimin a makasursuro ti maysa a banag laketdi interesado daytoy ken nalaka a masuruan.
Sigun pay kenkuana, kasapulan a “continues learning” wenno agtultuloy ti panagadal iti maysa a banag nangruna ta agbalbaliw ti teknolohiya.
Gapu iti dayta, guyguyuguyenna dagiti indibidual nangruna dagiti mangayat a sumrek iti radyo nga agturong iti Luvlet Production nga ag-audition.
Kabayatanna, pinagyaman ni Luvimin iti publiko iti agtultuloy a suportada kadagiti maipatpatangatang a drama iti Bombo Radyo partikular iti Northern Luzon.
