![](https://img.bomboradyo.com/baguio/2021/02/Baguio-In-My-Pocket-2.jpg)
BAGUIO CITY–Isingsingasing dagiti miembro ti lokal a konseho ti Baguio City ti panagbalin nga optional ti panagrehistro dagiti indibidual nga addaan iti transaksiyon iti City Hall iti Baguio in My Pocket (BIMP).
Nailanad iti resolusyonda a ti mandatory a panagrehistro iti BIMP ket mangitunda laeng iti panakaitantan ti naparpartak a transaction iti City Hall.
Sigun kenni Councilor Arthur Allad-iw, saan daytoy a makatulong kadagiti indibidual a saan a naissem iti teknolohiya nangnangruna dagiti natataengan.
Kinunana a nasken a saanen nga agrehistro pay iti BIMP dagiti residente nga umuneg iti City Hall tapno saan a maitantan ti transaksion dagitoy.
Immunan nga inyunay-unay ni Philip Puzon, Chief-of-Staff ti Mayor’s Office a nasken nga agrehistro iti BIMP dagiti amin nga umili ti siudad para iti naparpartak a transaksionda iti nagduduma nga opisina iti City Hall.