Ad-adda a naipainget ti panagbantay dagiti personnel manipud iti Philippine National Police iti intero a pagilian nangruna ita a masungad a baro a tawen tapno maipasigurado ti seguridad ti publiko.
Sigun kenni Philippine National Police chief Police General Rommel Marbil,namobilzed dagiti police units dagitoy tapno mapagtalinaed ti linak ken kappia bayat ti panagrambak iti baro a tawen.
Malaksid iti dayta, tapno metlaeng maipasigurado ti seguridad dagiti byaheros nga agsubli kadagiti bukodda a pagtaengan.
Nakikoordinar metten dagitoy kadagiti nagduduma a government agencies ken local traffic management offices para iti panangimanehar iti trapiko.
Innayonna metlaeng a nakasagana dagitoy a mangipaay iti first aid para kadagiti firecracker-related injuries ken agresponde iti aniaman nga insidente.
