Inyunay-unay ni sigud a Senate President ken legal expert Franklin Drilon a saan a maibilang nga official Senate proceeding ti panagdengngeg nga insayangkat da Sen. Alan Peter Cayetano gaputa, saan a sinuportaran daytoy dagiti institutional mechanisms a kasapulan tapno mapataud ti official legislative record.
Sigun kenni Drilon, ti kaawan ti opisial a rekord ti rason a saan a mabigbig dagiti naduktalan iti panagdengngeg.
Inlawlawag ti sigud a Senate chief a magun-od ti lehitimo nga imbestigasyon babaen iti institusional a proseso, saan laeng a babaen iti pannakipaset dagiti senador.
Innayonna pay nga iti insayangkat da Sen. Cayetano nga imbestigasion, awan dagiti kameng ti staff ti blue ribbon committee a responsable iti panangidokumento kadagiti testimonia, panangisagana kadagiti transcript ken panangpataud kadagiti report ti komite, kabayatan ti hearing.
Maipalagip nga insayangkat da Sen. Cayetano ti Senate Blue Ribbon committee hearing iti baet ti panagsukat ti liderato iti senado.
Nadutukan ni Sen. Erwin Tulfo kas baru a chair ti blue ribbon panel kalpasan a binotosan dagiti baru a majority bloc nga adadaulwan ni Acting Senate President Win Gatchalian.
