Agtultuloy ti panagregget nga ipatpatungpal ti Armed Forces of the Philippines (AFP) a mangpukaw kadagiti uppat a nabati a nakapsut a gerilla fronts ti New People’s Army (NPA).
Iti press briefing a naisayangkat idi kalman, kinunan Armed Forces of the Philippines (AFP) chief General Romeo Brawer Jr. a puntiriada a mapukaw ti uppat a nakapsut a NPA guerilla fronts iti ngudo ti agdama a tawen.
Dagiti tallo nga agtaltalinaed a nakapsut a guerrilla fronts ket agop-operate iti Northern Luzon, Southern Luzon, and Visayas areas.
Sigun kenni Brawner, ti kinapigsa ti New Peoples Army ket bimmaba manipod iti 2,200 fighter idi napalabas a tawen a nagbalin a 1,111 iti agdama.
Idi bulan ti Oktubre, impakaamo ti National Security Council (NSC) a nakemmeg idiay Quezon City ti mapapati nga acting chairperson ti Communist Party of the Philippines (CPP) a ni Wigberto “Baylon” Villarico.
Kiniddaw ti CPP ti dagus a pannakawayawaya ni Villarico, a nabigbig a peace consultant ti National Democratic Front or the Philippines (NDFP), ti political wing ti communist organization.
Sigun kenni National Security Adviser Eduardo Año, ni Villarico ti nagtugaw a dadaulo ti Communist Party of the Philippines (CPP) kalpasan ti ipupusay ni Benito Tiamzon idi Agosto 22, 2022.
