--Ads--
BAGUIO CITY – Mangrugin a maingetan ti iseserrek dagiti amin nga umili iti Baguio City Cemetery inton Oktubre 17, Sabado agingga inton Oktubre 28.
Iti panakiyuman ti Bombo Radyo Baguio, kinuna ni Baguio City Administrator Engr. Bonifacio Dela Peña maaramat dagiti market pass tapno makastrek iti uneg ti sementeryo.
Kinunana nga adda metten ti naituding nga aldaw a panagbisita dagiti residente nga agdependar iti kolor ti passes dagitoy.
Dinakamat ni Dela Peña a dumanon laeng iti lima tunggal pamilya ti mapalubusan nga umuneg iti semeteryo.
Kagiddan iti daytoy, impalagip manen ni Dela Peña ti panangsurot dagiti kadagiti amin nga umili nga agturong sadiay kadagiti health protocols kontra iti COVID-19.
