BAGUIO CITY – Saan pay nga umawat ti siyudad ti Baguio iti turista manipud National Capital Region (NCR) iti baet a naipasidong ti nasao a rehiyon iti General Community Quarantine (GCQ) with heightened restrictions.
Inlawlawag ni Mayor Benjamin Magalong a gapu iti pangta ti COVID -19, dagiti laeng addaan iti essential travel wenno napateg a gagara ti mapalubosan nga agturong iti siyudad manipud NCR.
Inaklonna a makaapektar daytoy iti sektor ti turismo gaputa agarup 70-80 a porsiento kadagiti turista a sumangsangbay iti siudad ket agtattaud manipud NCR.
Nupay kasta, namnamaenna a sumayaaten ti sitwasyon sadiay NCR ken bumassiten ti kasoda iti COVID-19 tapno in-inot met nga agrekober ti turismo iti siudad.
Namnamaen pay ni Mayor Magalong a maipasidongen ti NCR iti normal a GCQ kadagiti sumarsaruno a lawas tapno matulungan dagiti negosyante iti siudad a mangnamnama laeng iti turismo.
