BAGUIO CITY – Kidkiddawen ti Department of Environment and Natural Resources (DENR) – Cordillera kadagiti operatiba ti Philippine National Police ken Philippine Drug Enforcement Agency iti panagaramid dagitoy iti firebreak iti kanito nga uramendan dagiti maparutda a marijuana.
Sigun kenni DENR-Cordillera regional director Ralph Pablo, idawdawatda kadagiti maseknan nga otoridad nga agaramid dagitoy iti firebreak tapnu saan nga agkayamkam ti apoy a makadadael iti aglawlaw.
Kinunana a maysa a naapektaran iti nasao nga operasyon ti panakauram ti 23 nga ektarya a lote a namulaan ti nasurok 38,000 a sapling ti saleng a paset iti National Greening Program ti ahensia.
Kiniddaw pay ni Pablo kadagiti maseknan nga otoridad a sukatanda dagiti nauram a sapling ti kayo para iti reforestation. (-with Bombo Nikki Agsiweng)