--Ads--
BAGUIO CITY – Kidkiddawen ni Tabuk City Veterinarian Fermin Quinto ti panakaipaisidong ti siudad iti state of emergency gapu iti kaso ti rabies.
Sigun kenkuana, nakailista ti opisinada iti 12 a kaso ti canine (K9) rabies ita a bulan ti Agosto a natibker a rason tapno maipasidong dagitoy iti state of emergency.
Inlawlawagna a maipaayan iti P52,000 a pondo ken calamity fund manipud iti City DRRM Office ti siudad a maipasidong iti state of emergency.
Maaramat ti nasao a pondo iti panakagatang dagiti bakuna a maaramat kadagiti agarup 1,500 nga aso.
Imbinglayna nga idi 2007 ket naipasidong ti Tabuk City iti state of emergency gapu iti nangato a kaso ti rabies.
