BAGUIO CITY – Impetteng ni Baguio City Mayor Benjamin Magalong a saan a maibilang a panaglabsing iti Environment Code ti panakapairikep ti Irisan Dumpsite.
Komentona daytoy iti kinuna ni DENR Undersecretary Benny Antiporda a maibilang a panaglabsing iti Environment Code ti panakaiparikep ti nasao a dumpsite.
Inyunay-unayna a saan a pangta ti dumpsite kadagiti residente nga agnanaed iti igid daytoy gapota saan met unay a hazardous ken adda ti retaining wall daytoy.
Kinuna ti mayor a ti angot laeng nga agtataud kadagiti basura ti kangrunaan a parikot iti nasao a dumpsite gapo iti panakadadael ti maar-armat nga Environment Recycling System machine.
Sigun pay kenni Mayor Magalong, ikagumaanna a makipatang kadagiti maseknan nga ahensiya kas iti General Services Offices ken iti Department of Science and Technology malaksid a makisao pay kenni Undersecretary Antiporda para iti panakarisot ti nasao a parikot. (-Bombo Maureen Bassit / Bombo Brigitte Marcasi)
