Impetteng ni Jail Chief Inspector Atty. Dexter Ngipol, City Warden ti Baguio City Jail Male Dormitory (BCJMD) a possible a marugyan ti panakaipasdek ti baro a Bureau of Jail Management and Penology para iti male ken female dormitory iti siudad ti Baguio ita a bulan wenno inton umay a tawen.
Iti panakiuman ti Bombo Radyo kenkuana, kinunana a manarimaan ti panakaiproseso dagitoy kadagiti kaskenan a dokumento para iti panakaipasdek daytoy.
Sigun kadakuada ti panakaipasdek ti baro a pagbaludan ket tapno madecongest ti populasyon dagiti person’s deprived of liberty iti Baguio City Jail male and female dormitories.
Napunduan met daytoy iti agarup P419 million babaen iti Fiscal Year 2025 General Appropriations Act no sadino addaan ti lote iti kalawa a 5,830 square meters a mabalin a mang-akomodar iti 370 a lallaki ken 110 a babbae a persons deprived of liberty.
Manamnama met a dumanon daytoy iti pito a kadsaaran pakairamanan ti basement daytoy.
Impeksa ni Jail Chief Inspector Atty. Dexter Ngipol, City Warden ti Baguio City Jail Male Dormitory (BCJMD) a ti Phase 1 ket addaan iti agarup P500 million.
Kabayatanna, agtultuloy met a bumababa ti bilang dagiti persons deprived of liberty iti nasao a pagbaludan.//Bombo Noveh Organo
