Agsagsaganan ti Commission on Elections-Baguio para iti personal a panangisumitirda kadagiti amin a Certificate of Candidacy iti law depatment iti central office ti Commission on Elections inton bigat.
Iti panakiuman ti Bombo Radyo kenni Atty. John Paul Martin, ti law department ti mangsukimat nu valid dagiti insumitir dagiti agngayangay a Certificate of Nomination and Acceptance (CONA) nu sadino, kalpasan dayta ket maideklara dagitoy nu kandidatoda iti maysa a political party wenno independent candidate.
Kasaruno dayta, maipablaak ti listaan dagiti agngayangay para iti akses iti publiko ken tapno maaddaan metlaeng dagiti agngayangay iti gundaway a pasukatan dagiti posible a masuktan.
Kalpasan dayta,maipinal dagitoy sakbay a marugyan ti panakaimprenta dagiti opisyal a balota ken ti panakaiprogram dagitoy iti makina.
Kabayatanna, mangnamnama ni Atty.Martin nga adda ti maipaay kadakuada nga Automated Counting Machine para iti panakaisayangkat iti demonstration kadagiti nagduduma a law enforcement agencies, partner media,kadagiti mannursuro,pagadalan,ken babbarangay iti Baguio City.//Bombo Rob Dominguez
