Impudno ni Angelina Ramos,kapitan ti Barangay Camp 7 a nabayagen a parikutda dagiti sumagmamano nga internet providers a saan nga agpakpakada wenno agkidkiddaw ti pammalubos manipod iti nasao a barangay sakbayda nga agiwayat kadagiti kableda.
Iti panakiuman ti Bombo Radyo kenni Ramos, inyunay-unayna a masapol dagiti internet providers ti mangala ti permit manipod iti nasao a barangay tapno mamonitor dagiti maseknan nga opisyal ti panakaimuntar dagiti kable.
Malaksid it dayta, dinakamat ni Ramos a maysa pay kadagiti parikotda ti saan a panagresponde dagiti internet providers apaman a makiddaw ti tulong dagitoy seknan dagiti nakauy-oy a linya ti kable ti internet nu sadino, dagiti kagawad ti barangay ti mapanen mangisimsimpa kadagitoy.
Gapu iti dayta, umap-apela ti nasao a kapitan kadagiti internet providers nga aksyunan dagitoy dagiti parikut nga adda pakainaiganna iti serbisyo nga ipapaayda kas ti panangisimpa kadagiti kable.//Bombo Razced Pagoli
