Imbilin ti Department of Education (DepEd) kadagiti amin a parapubliko ken pribado nga elementary ken secondary schools nga aggigiddan a mangisayangkat iti safety drill para kadagiti active attack incidents inton Agosto 25, 2026.
Maibasar iti memorandum a napetsaan iti Agosto 12, nabilin dagiti amin a pagadalan nga aramatenda ti localized contingency plans dagitoy para kadagiti active attack scenarios.
Sigun iti DepEd, adda ti designated ceremonial venues iti tunggal rehion ngem nainget a maguyguyugoy dagiti amin a pagadalan a mangisayangkat iti bukodda a drills iti nasao nga aldaw wenno iti maysa nga adjusted schedule.
Ti nasao a direktiba ket kasaruno ti dumakdakkel a pannakaseknan ti publiko maipapan iti kinatalged dagiti estudiante, kalpasan ti sumagmamano nga insidente ti pammaltog iti uneg dagiti pagadalan.
Kabayatanna, impasigurado ti DepEd nga agtultuloy a papigsaenna ti panagsagana iti pagadalan babaen ti school contingency planning ken emergency response measures.
