Maipagpaganetget iti publiko ti panagaramat dagitoy ti sapatos wenno botas nga awanan ti abot nu rumwarda kadagiti pagtaenganda ken ti panangliklikda nga agpagnapagna kadagiti contaminated floodwater.
Kagiddan paylaeng dayta ti pangta nga ipapaay iti panagraira ti Leptospirosis iti Baguio City nu sadino dumanonen iti tallo ti nakumpirmar a pimmusay gapu iti daytoy.
Iti panakiuman ti Bombo Radyo kenni Dra. Celia Flor Brillantes, dadaulo iti City Health Services Office iti Baguio City, pakabuklanen a dua pulo ket lima ti bilang dagiti nagsagrap iti sakit a Leptospirosis iti Baguio City manipod Enero agingga iti agdama nu sadino onse kadagitoy ket residente iti siudad.
Innayon ni Dra. Brillantes a ngimmato ti kaso iti nasao a sakit ita a tawen nu idilig idi 2023 ken namnamaenna a saanen a manayonan pay ti agdama a bilang dagiti naapektaran.//Bombo Rob Dominguez
