Agtultuloy latta ti panangpapintas kadagiti tourist spot wenno pagpasyaran a masarakan iti nagduduma a barangay idiay Bauko, Mountain Province pakairamanan ti Mt. Pulis, Billa Pottery, ken Iyaman Farm.
Sigun kenni Baltazar P. Gaw-ay, Admin Officer ti Municipal Tourism Office, adda dagiti wagas nga ar-aramidenda tapno ituloy a masalakniban dagiti tourism sites kas iti panangipatungpal ti clean up drive, panagsanay kadagiti tourist guide, tapno ad-adda a mapasayaat pay ti information dessimination nga ar-aramiden dagitoy tunggal bulan.
Kabayatanna, impakaamo met ni Gaw-ay dagiti posible nga aktibidad a mabalin nga aramiden dagiti bisita wenno turista kadagiti nasao a tourist spots.
Malaksid iti Mt. Polis, maipampannakkel metlaeng iti nasao a lugar ti of cloud ken kinapintas ti rice terraces iti bila.
Posible pay a mapasaran idiay Bila ti Pottery, tradisyunal a panagaramid ti pots babaen iti clay nu sadinno, saan laeng nga iti kinapintas ti Bauko ti maipampannakkel nu diket kasta met ti probinsia ken maipakita pay ti kinalaing dagiti umili iti Bila.
Iti sabali a bangir, mabalin metlaeng nga agkamping dagiti turista iti Iyaman farm ken mapasaran ti infinity pool daytoy.
Kabayatanna, imbinglay met ni Fermina Cabradilla, maysa a tour guide idiay Poblacion, Bauko, dagiti wagas tapno agtalinaed a nasayaat dagiti tourist sites a kas ti panangipatungpal ti panagtaripnong, panangimula ti kayo ken panagdalus kadagiti lugar.
Innayonna pay nga adda dagiti pagannurutan a kas ti panangipawil iti panagtukkol ti sabong ken umno a panangibasura ti rugit dagitoy.
Maipalagip a ti Bauko, Mountain Province ket addaan ti nasurok dua pulo a nalatak a tourist spots wenno pagpasyaran.///Via Cristina T. Baladad, Local News Correspondent
