Idagdagadag ita ni Senator Sherwin Gatchalian ti dagos a pannakaparegta kadagiti mental health programs kagiddan iti panagngato ti kaso iti panagkettel iti biyag idiay Metro Manila ita a tawen.
Maibasar iti report ti National Capital Region Police Office (NCRPO), halos agdoble ti ngimatoan ti bilang ti suicide cases iti umuna a tallo a bulan ita a tawen.
Manipud Enero 1 agingga Marso 23, dumanonen iti 111 ti nailista a kaso, nangatngato nu idilig iti 38 a kaso iti kapada a bulan idi napalabas a tawen.
“Sa gitna ng patuloy na pagdami ng mga kaso ng suicide sa bansa, mahalagang patatagin natin ang mga programang magtataguyod sa kaligtasan at kapakanan ng ating mga kababayan, lalo na pagdating sa mental health,” sigun kenni Senator Gatchalian.
Sigun iti senador, kasapulan ita ti mental health support gapu met laeng iti krisis a direkta a mangap-apektar iti innaldaw a panagbiyag dagiti Pilipino.
Gapu iti daytoy, idagdagadagna ti agresibo a kampanya iti awareness access iti counseling ken communiy-based interventions tapno maagapan ti kumarkaro a mental health crisis iti pagilian. //bombokaren.c.s
