Pimmusay ti tallo nga opisial a pulis ti Palestinian gapu iti panangraut ti Israel iti daya a Rafah idiay abagatan a Gaza Strip.
Ti napasamak ken inladawan ti Interior Ministry ti Hamas a panaglabsing iti katulagan a ceasefire a nangrugi idi Enero 19.
Sigun kadagiti opisial ti Palestinian, sinalungasing ti Israel dagiti kondision babaen ti pananglappedna iti iseserrek dagiti alikamen a mangikkat kadagiti rebbek ken pagkamangan dagiti na-displaced a tattao.
Kinuna ti Interior Ministry a dagiti tallo a pulis ket napapatay ket naidestino iti lugar tapno masigurado ti iseserrek dagiti aid truck iti Gaza.
Inlawlawag met dagiti suldado ti Israel a ti panangraut ket mangpuntiria kadagiti sumagmamano nga armado nga indibidual a paturong iti puersa dagiti Israeli.
Immunan a binalakadan ti Israel kadagiti umili idiay Gaza nga agtulnogda iti pagadalana dagiti suldado ken liklikanda nga umasideg iti tropa dagiti suldado iti nasao a lugar.
Kabayatanna, idiay Gaza, kinuna ti maysa nga opisial ti health ministry a linapdan ti Israel ti ipapanaw ti pinulpullo a pasiente ken nasugatan a Palestinians, a pumanaw koma tapno maagasan kadagiti ospital iti kabangibang nga Egypt.
