Kidkiddawen ti Municipal of Environment and Natural Resources Office ti panagtungpal ti Zoning Ordinance kadagiti umili, a kas panagprotektar metlaeng iti kabakiran, no sadino naipasidong daytoy iti ordinansa a “Volume 3, Comprehensive Land Use plan.
Maysa daytoy a pagannurotan a mangkiddeng no kasano a mausar ti sanikua kadagiti espesipiko a heograpiko a sona.
Sigun kenni, Carlos Lartec maysa nga Senior Environment and Management Specialist ti MENRO Bauko, kasapulan nga maobserbaran ti umili ti zoning ordinance, kas kadagiti residential zone , agricultural, production forest ken proteksiyon forest.
Malaksid iti dayta, nakalanad iti nasao nga ordinansa nga awan ti agragadi wenno agpukan kadagiti kaykayo iti uneg ti protected forest area, kaingin ken dadduma pay.
Inunay-unay ni Lartec a kasapulan nga agala iti permit kadagiti opisyales no maipapan iti forest production.
Mabalbalakadan pay dagiti umili nga agpakada kadagiti concerned offices tapno maliklikan ti multa kadagiti iti panaglabsing iti nasao nga ordinansa.
Kabayatanna, imbinglay ni Eulalia Osenio Cayda, Administrative Assistant 1 nga awan iti nairecord a kaso ti Illegal logging ita tawen iti nasao a municipyo, no idilig iti siam a kaso idi napalabas tawen.// via Salday Depayso, Local News Correspondent
