BAGUIO CITY- Naibilin iti pannakaikkat ti nagan dagiti kandidato kadagiti proyekto ken kagawaan a donasyon ti gobierno ditoy lokalidad.
Sigun ken Department of Interior and Local Governament Local Government (DILG) Monitoring and Evaluation Division (LGMED) Division Chief Marleen M. Guerzon, saan a maiparbeng iti pannakaikarga ti nagan ti asinoman a kandidato kadagiti proyekto ti gobierno.
Gapu iti dayta, kinidddawna iti panangireport ti publiko iti ahensya dagitoy kadagiti maimatanganda a mangikarkarga iti naganda kadagiti proyekto ken anyaman a kagawaan a donasyon ti gobierno para kadagiti umili
Maipalagip a paset paylaeng daytoy iti Anti-Epal campaign ti DILG Cordillera kasaruno iti panagrugi ti campaign period dagiti lokal a kandidato.
Innayunna a sumango ti kaskenan a pannusa dagiti maduktalanda a kandidato nga agar agaramid iti daytoy.
