BAGUIO CITY- Imbinglay ni City Councilor Jose ” Joemol” Molintas, ti Committee on Peace and Order, dagiti sumagmamano a benepisyo dagiti senior citizen iti siyudad ti Baguio.
Sigun kenkuana, dagiti senior citizen a residente ti siyudad ket mailaksid iti number coding scheme.
Iti pannakiuman ti Bombo Radyo kenni Councilor Molintas dakkel a tulong daytoy kadagiti senior citizen nangruna iti panawen ti emerhensiya kas iti medical, trabaho ken dadduma pay.
Babaen iti daytoy ket saandan a kasapulan nga agpila kadagiti jeepney terminals nangruna nu adda ti napateg nga asikasoen dagitoy.
Inyunay-unay ni Molintas a dagiti laeng senior citizen a mailaksid iti number coding scheme ket dagiti laeng residente iti Baguio City.
Kabayatanna, innayonna a saan a maabuso daytoy agsipud ta para laeng daytoy kadagiti emergency ken iti trabaho.
