BAGUIO CITY- Maipanpannakel iti agtultuloy a pannakailista ti Zero Death Case ti COVID19 ditoy Baguio City.
Maibasar iti datos ti City Health Services Office idi Abril 16, dumanonen iti 27 nga aldaw nga awan iti nailista a pimmusay gapu iti nasao a sakit kalpasan nga awan iti nailislista a pimmusay manipod March 27 iti agdama a tawen.
Malaksid iti dayta, agtultuloy metlaeng iti pannakailista ti zero agingga maysa wenno dua laeng a baro a kaso ti COVID19 iti syudad.
Idi laeng Abril 16, nailista iti maysa a kaso ti COVID-19.
Gapu iti dayta, dumanon laengen iti uppat ti aktibo a kaso ti nasao a sakit ditoy Baguio City.
Kagiddan iti dayta, agpalpalagip dagiti otoridad iti doble a panagridam nangruna iti panagtungpal kadagiti minimum public health standards kontra COVID-19.
